Cryptocurrency Margin Trading 101 / Tagalog Guide

Translated by Arzen Ong from: Cryptocurrency Margin Trading 101 Guide | Everything you need to know

Alam mo ba na karamihan sa mga crypto traders at investors ay hindi pa nakakaalam ng Margin cryptocurrency trading? Babaguhin natin yan ngayong araw sa ating pagpapaliwanag kung paano ba gumagana ang investment product na ito at kung ano ang pagkakaiba nya sa regular na pag trade ng mga cryptocurrencies sa mga crypt exchanges.

Ang artikulong ito ay isinulat ng ating bisita na si Mr. Michael Kuchar ng Trading Beast. Ang layunin ng artikulong ito ay upang magbigay lamang ng impormasyon.  Hindi ito isang ‘investment advice.’

Margin cryptocurrency trading

Ang mga ‘Contracts for difference’ o CFD ay mga kontrata na naisara sa pagitan mo ng ng iyong broker. Kapag ikaw ay nagtrade ng CFD, wala kang pag aaring stock, cryptocurrency, o iba pang asset. Bagkus ay ang kontrata lang ang pag aari mo. Alam dapat ng isang trader kung anong presyo niya binili ang isang CFD at kung magkano nya ito maibebenta sa mga broker. At dahil pabago-bago din ang presyo ng mga cryptocurrency, naapektuhan din nito kung magkano ang posibleng kitain kapag nag-’close’ na ang trade. Ang CFD trading ay gumagana gamit ang ‘margin base’, ibig sabihin ay kinakailangan mo lamang bayaran ang isang bahagi ng investment nito at ang natitira ay babayaran na ng broker. Tandaan na ginagawa ito ng mga broker hindi dahil sa sila ay pilantropo, kundi dahil malaki ang epekto ng pagbabago ng presyo ng cryptocurrency pagdating sa potensyal na kita at pagkalugi sa nasabing investment.

• Dagdag na babasahin: Listahan ng cryptocurrency exchanges sa Pilipinas.

Halimbawang Scenario

Si John ay bumili ng isang kontrata sa halagang isang bitcoin ngayong umaga, habang ang buy price nit ay nasa $6400, at ang sell price naman ay nasa $6450. Hinawakan nya ang kontrata hanggang sa dumating ang hapon kung saan tumaas ang buy price nito sa $6650 at ang sell price sa $6600. Kung nag desisyon syang bitiwan na ang kontrata sa oran na iyon, makatatangap sya ng $6600 – $6400 = $200 na kita. Kung si John ay gagamit ng leverage na 1:2, ang kinakailangan nyang i-invest ay hinlang isang bitcoin kundi dalawa. At sa halimbawang ito, hindi lang $200 ang kikitain nya kundi doble nito – $400. Kinakailangan nya din tangapon ang posibilidad na kinakailangan nyang mag benta ng palugi. Sa ganitong levering, doble din ang posible nyang malugi.. 

Kailan magandang simulan matuto ng margin cryptocurrency trading.

Maraming magagandang guides ang makakapag paliwanag kung paano gumagana ang margin cryptocurrency trading. Ako mismo ay gumawa ng gabay para sa mga baguhan na crypto trader nangangailangan ng tulong upang maintindihan ang medyo komplikadong financial instruments na ito. Marami pang ibang magagandang website na dapat nyong regular na bisitahin para lalo kayong masanay. Ang una dito ay ang https://www.coindesk.com/. Ang website na ito ay isa sa mga pinakamagandang source ng balita tungkol sa crypto. Ako na mismo ang nagsasabi na kinakailangan mo ng mga ganitong impormasyon lalo na kung balak mong mag trade ng cryptocurrency gamit ang leverage. Isa pang magandang website na dapat mong silipin ay ang https://bitcointalk.org/. Ang website na ito ay isang forum kung saan ibat ibang crypto enthusiast ang naguusap usap tungkol sa kani-kanilang investments. At kung inaakala mo na Bitcoin lang ang pinag uusapan nila dito, hayaan mong itama kita dahil nag uusap din sila tungkol sa iba’t ibang cryptocurrency coins at tokens na kanilang investment.

Tipo ng Investors na nababagay sa margin trading

Ang leverage trading ay mayroong mga kagandahan at kapangitan. At gaya ng ibang financial instruments, hindi ito angkop para sa lahat. Iminumungkahi ko ito sa mga traders na handang magsakripisyo ng kanyang oras upang pag aralan at usisain ang iba’t ibang charts at crypto news araw araw. Hindi kagaya ng long-term investing, ang CFD trading ay nangangailangan ng masinsinang atensyon. Para sa mga may panahon para paglaanan ito ng oras, malaki ang inyong posibleng kitain sa margin trading. Dahil narin sa mas malaking kapital ang hinahawakan mo dito kumpara sa sa mga tipikal na cryptocurrency investor na nag iinvest ng walang leverage.

• Dagdag na babasahin: Ang apat (4) na iba’t ibang crypto investor. Saan ka dito nabibilang?

Leverage trading, ang huling salita

Gaya ng ating nabangit kanina, mas malaki ang posible mong kitain sa leverage trading kumpara sa normal na crypto trading. Subalit mas malaki din ang posible mong ikalugi dito. Kaya naman inirerekomenda ko lamang ang margin trading sa mga traders na may malaking kapital at may malalim na karanasan o experience pagdating sa trading. Makakamtan mo ang posisyon na ito sa patuloy na pagti-trade ng iyong mga maliliit na investment o sa paggamit ng mga demo accounts. Karamihan ng mga CFD brokers ay may mga demo account na maaari mong magamit ng libre o kung nais mo din na maglabas ng kapital sa hinaharap.

Ang artikulong ito ay nailathala sa BitPinas: Cryptocurrency Margin Trading 101 / Tagalog Guide